انتبهوا من عرض " الموبيل + الخط ببلاش " من etisalat EGYPT

Stop ! ... انتبهوا من عرض " الموبيل + الخط ببلاش " من etisalat EGYPT ...

---

اشتريت عرض اتصالات الاخير يوم الاحد اللى فات ... تلفون Sony Ericsson K610 بسعر 1111 جنيه
وطبعا زى أى شركة تذكر فى اعلاناتها المزيا بدون العيوب

العرض عبارة عن الموبيل K610 + خط اتصالات أوبشنز + دقائق مجانية بالتمن اللى دفعته ( 1111 جنيه )
والعرض ده فيه عيبين ( خدعتين )

العيب الأول :
وهو خدعة الموبيل K610 بيجى معاه الشاحن فقط ! ... يعنى لا كارت ميموري ولا USB ولا CD ولا سماعات handfree
والجهاز ثمنه بره العرض كامل بحوالى 1300 جنيه ... يعنى معملناش حاجة

العيب الثانى :
وهى خدعة خط أوبشنز اللى المفروض على حسب العرض تاخد معاه 3120 دقيقة على طول اللى هى الـ 1111 جنيه
لكن هتدفع الـ 35 جنيه تمن الاشتراك الشهرى بتاع خط اوبشنز وهتاخد 100 دقيقة و 5 دقائق video call التابعة للاشتراك الشهرى ... بالاضافة إلى 130 دقيقة مجانا بتاعت العرض شهريا لمدة 24 شهر ( سنتين )

ودى ملاحظات هامة :

1 - لا ترحل الدقائق اللى غير مستخدمة فى الشهر إلى الشهر التالى .
2 - لا يمكن التحويل إلى " اتصالات اهلا " فى الوقت الحالى .
3 - لازم تشتغل بطاقة الخط على نفس الجهاز للاستمتاع بالعرض ( الشركة بتعرف الجهاز عن طريق الـ serial number ) ... ويمكن تشغيل أى شريحة على الجهاز
4 - أول تشغيل الخط بتاخد 100 دقيقة ويبدأ دفع الاشتراك الشهرى بعد شهر .
5 - الاستعلام عن الرصيد والاستعلام عن رصيد الباقة و البريد الصوتى و خدمة العملاء والمؤتمرات ... كله مجانا
6 - لارسال الرسائل وللمكالمات بعد انتهاء الباقة الشهرية عن طريق كروت الشحن اذا كان نظامك اوبشنز الكارت
7 - سعر الدقيقة بعد الباقة 0.33 جنيه
8 - الجهاز يتمتع بضمان أكسيوم لمدة سنة .

اللى عايز أقوله بصراحة العرض مش بطال بس أسلوب الدعاية كاذب
وشركة " اتصالات " رائعة واسلوب التواصل معها والعملاء رائع وكنت أتوقع منها المزيد ... لكنها ابتدأت اسلوب التحايل اللى سبقها فيه موبينيل و فودافون

بس الفضل يرجع لها لأنها هى اللى انعشت سوق المحمول فى مصر و الغت الاحتكار اللى كان سائد

اتمنى تكونوا فهمتم العرض مع العلم انه فيه عروض على اجهزة تانيه لمختلف الشرائح ( SAMSUNG - LG )
وأى استفسار ...
__________________

mb_funny

مشاهدة ملفه الشخصي

البحث عن جميع مشاركات mb_funny

مساحة إعلانية